Tuesday, April 17, 2012

මත්පැන් සමග ඩ්‍රයිවින් - 2

පහුගිය ලිපිය අවසාන උනේ. ටිකක් ගසල යනකොට රාළහාමි කෙනෙක් අත දැම්මොත් "අස්ථානයේ ඇත්ත නොකිව යුතුය"  යන කතාවෙන්. එහෙනම් වැඩිය පූර්විකා නැතුව මාතෘකාවට අදාළ දේ කෙළින්ම ලියන්නම්.
මුලින්ම බලන්න ඕනි 500ක් නොදී ශේප් වෙන තැනට ටෝකක් දාන්න..., සහ මෙතන ලියල තියන ක්‍රම වලින් තැනට සුදුසු විදිය පාවිච්චිය පාඨකයා සතුයි.
මුලින්ම රා-හාමිට කථා කරන ආමන්ත්‍රණ සෙට් එක ගනිමු. 
1) රාලහාමි  2) පොලිස් මහත්තය  3) සර්  4) ඉන්ස්පෙක්ටර් (ටිකක් හැදී දැඩි තලතුනා පුද්ගලක් නම් ඉන්ස්පෙක්ටර්ද කොස්තාපල්ද යන්න ගැටළුවක් නැත ඉන්ස්පෙක්ටර්ම කිව හැක) 5) පොලිස් ඔෆිසර්
ඔයිට වඩා තවත් ඇති. නමුත් මම බොහෝ විට පාවිච්චි කරන්නේ අන්තිම එක. මෙන්න මෙහෙම.
"ආ,,, පොලිස් ඔෆිසර්. මට නවත්තන්න කියල සිග්නල් කළා නේද,,, ම්ම්ම්ම්...."
රා-හාමි :- ඔව්, සර් ලයිසන් ඉන්ෂුවරන් එහෙම තියනවද??.... ම්ම්ම්ම් සර්ල බීල නේද ඉන්නෙ?
මම:- මෙන්න ඔෆිසර් ලයිසන් ඉන්ෂුවරන්ස්. මේ මම ඔය ඉස්සරහ ලයිට් කණුව ලග පාරේ දෙවැනි ගෙදර.
ඕනිම රා-හාමි කෙනෙක් පොඩ්ඩක් සැලන්ඩර් වෙන ටෝකක් තමා තමුන් මේ ලගම පදිංචි බව ඇගවීම. බොහෝ විට " හා හොදයි" කියනව. අසල්වැසියොත් එක්ක කචල් දාගන්න කව්රුත් කැමති නෑ. ඒ වගේම නමුත් අපිත් මතක තියාගන්න ඕනි අසල්වැසියන්ගෙන් මුලින්ම පගාව ගන්නත් රා-හාමිලා පොඩ්ඩක් විතර අදි මදි කරනව.
ඔය වගේ පොඩි පොඩි ටිප්ස් ටිකක් මම සංෂිප්ත ලියන්නම්.

  • සමහර රජයේ ආයතන, අමාත්‍යාංශය වල වැඩ කරන කට්ටියට උදා;- මාධ්‍ය ආයතන, විශ්ව විද්‍යාල, සහ දේශ පාළුවන්ගේ වැඩ වලට ගොස් ගෙදර එන කට්ටියට පගා රහිත නිදහස් වීමේ අවස්ථාවක් ඇත. කෙලින් කතා කර, හැකිනම් මොකක් හෝ හැදුනුම් පතක් පෙන්විය යුතුය.
  • බොහෝ දේස-පාළුවන්ගේ පවුලේ සහ හිතවත් උදවියට රා-හාමි නීතිය ක්‍රියා නොකරයි. එවැන්නෙක් ඉතා හොදින් ආස්සරය කරන බව ඒත්තු ගැන්වීමද ගැලවීමට මගකි.(සෑම තැනටම මෙය අදාළ නැත. පොලිසිය සමග කචල් දාගත් දේශපාලුවන්ටත් ඔවුන්ගේ හිතවතුන්ටත් දැඩි නීති ක්‍රියාත්මකයි.)
  • තමුන්ගේ හිතවතෙක් හෝ නාදෑයෙක්ලග අහල පහල පොලිසියක ඕඅයිසී කෙනෙක් නම් එතුමාව මතක් කිරීම තවත් ප්‍රත්‍යක්ෂ විධි ක්‍රමයකි. (නෑදෑ කමක් තාවකාලිකව හදාගෙන හෝ කීවාට කම් නැත. නමුත් පරිස්සමින්)
  • කණ දෙකට පැලෙන්න බීවත් පෙරකදෝරු මහතැන්ලාට 99.9% ක්ටම රා-හාමිලා ලෙඩ දාන්නේ නැත.
  • එම නිසා එවැනි ස්ටිකරයක් අලවා තැබූ විට රාති‍්‍රයේ මෙන්ම දහවලද රා-හාමිලාගේ කරදර අඩු අතර සැලකිල්ලද වැඩිය. 
  • රා-හාමි පැන්ෂන් යන්නට ආසන්න ගතියක් ඇත්නම් සහ තමනුත් එවැනි වයසක් නම් "මල්ලි, මල්ලි ඔය ගොල්ලන්ට තේරෙන්නේ නැති දුකක් හින්ද පොඩ්ඩක් බීවේ.  මල්ලිලට තව වයස තියනවනෙ,, අද මම පැන්ෂන් ගියා". රා-හාමිටද ලගදීම  පැන්ෂන් යායුතු බව සිහියට නැගුනොත් ඔහුගේද හිත සසල වේ.
  • රා-හාමිත් පොඩි කොල්ලෙක් නම් ඔබත් පොඩි කොල්ලෙක් නම් කෙල්ලගේ චපල බව පවසා බූට් තැබූ දුක නොබියව රා-හාමිට ඉදිරිපත් කිරීමද නරකම නැත. 

(ඉහත ක්‍රම දෙකෙන්ම මා පෙර රැකියාව කල ස්ථානයේ දෙදෙනෙකුම දෙහිවල පොලිසියෙන් කිහිප විටක්ම බේරී ඇත)
ඔවැනි බොරු කීමට අකමැති නම්....
"මේ ඔෆිසර්,  බීල කියන්නෙ මේ වැනෙනව නෙමේනේ. බොරු නම් නෙමේ, ඩ්‍රින්ක් එකක් ගත්ත තමයි. ගෙවල් ගාව ඉදන් අල්ලන එක හරිද,,,,".  
ලියන්නම හදනවා නම්
"හා ,, හා රාළහාමි ලියන්න එපාපාපා. ලියන්න එපාපා. පොඩි සමාවක් දීල යන්න දෙන්න. ලයිසන් නැති උනොත් මගේ රස්සාව ඉවරයි"
කොහොමටවත් රා-හාමිව අන්දන්න බැරි නම්, "හරි, ඔහොම ඉන්නකෝ රාළහාමි,, මම ඔබතුමාට පොඩි උදව්වක් කරන්නම්, මමත් වැරැද්ද කරලනෙ ඉන්නෙ" අන්න එහෙම කියල පගාව රුපියල් පන්සීයක් කාටවත් නොපෙනෙන්න අත මිට මොලවන්න වෙනව. පන්සීයේ බේත නම් සීයට අනූ-නවයයි දශම නවයක්ම ෂුවර්. හරිගියේ නෑ කියන්නෙ ඉතින් ආනන්තරීය පාපකර්ම දෙක තුනක්ම කරල තියනව කියන එක.
ඔන්න ඔහොම තමයි හිතට ආපු තුරුම්පු ටික සංශිප්තව. මේ ලිපිය ලියන්න ගත්තෙ අවුරුද්දට ටිකක් ඉස්සෙල්ල, ලියාගෙන යනකොට එක එක කචල් ආව. ලියල ඉවරයක්‌ කරගන්න විදියක් තිබ්බෙම නෑ. ඒ හන්ද ලිපිය පුළුවන් තරම් කෙටිකරල ලියල දැම්ම.. ඔන්න ලිපිය ඉවරම කරන්න කලින් තියනව හොදම දේ...
අවාසනාවට ඔක්කොම කචල් ගිහින් පොලිසියට යන්න වෙලා බැලුම් පුම්බන්න සෙට් වේගෙන එනව නම් කොහොම හරි පැනඩෝල් පෙති දෙකක් තුනක් හොදට හපන්න. බැලුම් වැඩේ කේස් වෙනව...
තවත් දෙයක් තියනව කියන්න,,, වාහනේ ලොක් කරල පස්ස නොබලා දිව්වත් මාස හයක් ලයිසන් කැන්සල් වෙනවට වඩා හොදයි. එහෙම දිව්වොත් පොලිසියට අමතර වගකීමකුත් එනව වාහනේ ගැන. උදේට පොලිසියට ඇවිත් මොකක් හරි කියල බේරගන්න පුළුවන්.
එහෙනම් ලැබුවාවූ නව වසර කිරියෙන් පැණියෙන් ඉතිරේවා කියල ප්‍රාර්ථනා කෙරුව!!!....



15 comments:

  1. එලකිරි උපදෙස්ටික. කොහොම උනත් මම නං බිව්වොත් වෙරි හිදෙනකල් ඉදල තමයි පාරෙ යන්නෙ. කොයිකටත් හොද ඒක තමයි.

    -රාජ්ගෙ නවාතැන.

    ReplyDelete
    Replies
    1. ඔව් ඔව් වෙරි බැහැල යනඑක තමයි නීති-ගරුක වැඩේ.

      Delete
  2. වාහනේ ලොක් කරල පස්ස නොබලා දිව්වත් මාස හයක් ලයිසන් කැන්සල් වෙනවට වඩා හොදයි
    eka thama hodama wede...:D

    ReplyDelete
    Replies
    1. ඔව් ,, දෙහිවලදී දවසක් අපේ එක්කෙනෙකුට දුවන්න උනා. අව්ලක් උනේ නෑ.

      Delete
  3. දැන් ඉන්න පොලිස් මාමල අයියල ඔය ට්‍රික්ස් දන්නවලු.........

    ReplyDelete
    Replies
    1. ම්ම්ම්ම්ම්ම්,,,, ඒකනම් ඇත්ත.

      Delete
  4. දෙවියෙක් වගේ දීපු උපදෙස් ටිකට බොහො පින්.... ජාති ජාතිවත් බීල පොලිසියටනම් අහු වෙන්න එපා කියල ප්‍රාර්ථනා කොරනව... :D

    ReplyDelete
  5. ශා මරු උපදෙස් ටික,අන්තිම එකට නම් මාත් ලයික් :).ඇත්තට දැන් මේවා පොලිසියේ අයත් කියෙව්වොත් එහෙම අපිට මේවා වලිනුත් වැඩක් නැති වෙනවා.

    ReplyDelete
    Replies
    1. පොලිස් බුවාල බ්ලොග් කියෝනවද,,, නැත නැත,, ඕනිම නම් ලංකාවේම 20ක් 30ක් ඇති.

      Delete
  6. ඔය කවුද මන්ද වාහනේ යනගමං පොලිසියෙං නවත්තල බැලුමක් දීලලු! වාහන කාරය අහලලු "අැයි මොකද පොලීසියේ උත්සවයක්ද?" කියල!

    ReplyDelete
    Replies
    1. හික් හික්...
      හැබැයි තනියෝ බැළුම් පුම්බන්න දෙන්නේ පොලිසියට අරන් ගිහින්, තව ෆෝම් එකක් හෙම පුරවල.

      Delete
  7. නියම ට්‍රික්ස් ටික...

    දවසක් පාර වහලා තිබුනා දෙස්පාලු රැස්වීමකට.. එතන හිටපු කොස්සො දෙන්නෙක් කියනවා යන්න දෙන්නම බෑලු.. වාහනේක නෙමෙයි පුටාර් එකක.. මම බැහැල ඇවිත් කිව්වා ගෙදර යන්නෙ කියලා.. මුන් යන්න දෙන්න බෑලු..

    "මොන ....ද? යකෝ ගෙදර නොගිහින් පාරෙ බුදියෙන්නද කියන්නෙ "කියලා බැරියර් එකට එක පයින් පාරයි දුන්නෙ යන්න යන්න කිව්වා..

    @තනි අලියා : හිකිස්..

    ReplyDelete
    Replies
    1. නියමයි හරි,, නමුත් මට නම් ඔච්චර ගටක්‌ නෑ..

      Delete
  8. මේවා කරන්න ගිහින් අල වුනොත් දූපත් වැසියා වගකියනවද දන්නෙ නෑ නේ?

    මමත් පහුගිය දෙසැම්බර් නිවාඩුවේ වෙච්ච පොලිස් සිද්ධි තුනක්ම ලිව්වා, දූපත් වසියා කියවන්න නැතිව ඇති.
    තවත් පොලිස් කතා තුනක්

    ඔය අස්ථානයේ ඇත්ත නොලිව යුතුය ලින්ක් එක එබුවම 404 error එකක් එන්නෙ.


    henryblogwalker the Dude

    ReplyDelete
    Replies
    1. මෙහේ වැඩ අල වෙන්නෙ නීති ගරුක වෙන්න ගියොත්, කට පියාගෙන හිටියොත්.

      Delete

ඔබගේ අදහස් උදහස් දුපත් වැසියාව දිරිමත් කරවයි,,,